कर्मवीरांना भारतरत्न द्या : जयंत पाटलांचे मोदींना पत्र.

"कर्मवीर भाऊराव पाटील यांना भारतरत्न प्रदान करण्यात यावा"
- राष्ट्रवादीचे प्रदेशाध्यक्ष जयंत पाटील यांची मागणी
कर्मवीर भाऊराव पाटील यांनी घेतलेली परिश्रमांमुळेच आज बहुजन समाजाच्या अनेक पिढया ज्ञानाच्या प्रकाशात न्हाऊन निघाल्या.कर्मवीरांचे हे काम भारतरत्न च्या तोडीचे निश्चित आहे, असे मत व्यक्त करत राष्ट्रवादी काँग्रेस पक्षाचे प्रदेशाध्यक्ष जयंत पाटील यांनी कर्मवीर भाऊराव पाटील यांना मरणोत्तर भारतरत्न प्रदान करण्यात यावा, अशी मागणी पंतप्रधान नरेंद्र मोदी यांचेकडे पत्राद्वारे केली. संपूर्ण महाराष्ट्राला कर्मवीर अण्णांच्या कामाविषयी नितांत कृतज्ञता आहे. मात्र, महाराष्ट्रातून पहिल्यांदाच कोणीतरी कर्मवीर अण्णांना भारतरत्न ची मागणी करून कर्मवीर अण्णांच्या खऱ्या अर्थाने न्याय देण्याचा प्रयत्न केला आहे. महाराष्ट्रातून यापूर्वी कोणीही अण्णांना भारतरत्न देण्यात यावा, हि मागणी केली नव्हती. जयंत पाटील यांनी महाराष्ट्राचे मुख्यमंत्री देवेंद्र फडणवीस यांनाही पत्र लिहून राज्य सरकारने केंद्राकडे कर्मवीर अण्णांच्या भारतरत्न साठी शिफारस करावी, अशी विनंती केली आहे.
रयत शिक्षण संस्थेवर आणि कर्मवीर अण्णांवर प्रेम करणाऱ्या नागरिकांनी जयंत पाटील यांच्या मागणीबद्दल अत्यंत समाधान आणि आनंद व्यक्त केला. 'जयंत पाटील यांनी केलेली ही मागणी पूर्ण होणे हिच अण्णांसाठी खरी आदरांजली असणार आहे' असे मत रयत शिक्षण संस्थेतील एका प्राध्यापकांनी व्यक्त केले.

Comments

Post a Comment

Popular posts from this blog

संभाजी भिडेंच्या कार्यकर्त्यामुळे राष्ट्रवादीच्या कार्यकर्त्याला जीवदान

Image
वैचारिक मतभेद कितीही असले तरी मनभेद असणार नाहीत याची प्रचिती नुकतीच माढा तालुक्यात आली. माढ्याचे राष्ट्रवादी काँग्रेसचे उमेदवार संजयमामा शिंदे यांचा भाजपचे उमेदवार रणजितसिंह निंबाळकर यांनी पराभव केला. हाच पराभव जिव्हारी लागल्याने,माढा तालुक्यातील राष्ट्रवादी काँग्रेसचा कार्यकर्ता पांडुरंग शिंदे (वय २५) याने विषारी औषध प्राशन करुन आत्महत्या करण्याचा प्रयत्न केला. दरम्यान शहरातील साई हॉस्पिटलजवळ पांडुरंग शिंदे हा युवक अत्यावस्थ अवस्थेत आढळुन आल्याचे पाहताच संभाजी भिडे गुरुजींच्या शिवप्रतिष्ठान हिंदुस्थान या संघटनेचा कार्यकर्ता शशिकांत खेडकर याने तात्काळ पांडुरंग ला ग्रामीण रुग्णालयात दाखल केले. प्रथमोपचारानंतर संबंधित युवकास पुढील उपचारासाठी बार्शी येथे नेण्यात आले असुन त्याची प्रकृती आता ठीक आहे. दरम्यान राष्ट्रवादी काँग्रेस व संभाजी भिडे यांच्यात काही मुद्द्यांवर मतभेद असले तरी मनभेद नाहीत हे दाखवत शशिकांत खेडकर पाटील ह्याने दाखवलेल्या प्रसंगावधानाबद्दल तालुक्यातुन त्याच्यावर कौतुकाचा वर्षाव होत आहे.
Read more

संभाजी भिडेंचा तो फोटो पाहुन नेटकरी हळहळले

Image
शिवप्रतिष्ठान हिंदुस्थानचे संस्थापक संभाजी भिडे गुरुजी यांचा एक फोटो सकाळपासून सोशल मीडियावर व्हायरल होत आहे तो फोटो पाहुन अनेक नेटकऱ्यांनी आपल्या भावना व्यक्त केल्या आहेत आम्हा तरुणांना लाजवेल इतका अफाट त्याग गुरुजींचा असल्याचे अनेकांनी म्हणले आहे दरम्यान Sambhajirao Bhide Guruji या पेजवरुन हा फोटो प्रसिद्ध करण्यात आलेला असुन त्या फोटोला हजारोंच्या संख्येने शिवभक्तांनी पसंती दिली आहे. शिवप्रतिष्ठान आयोजित किल्ले मधुमकरंद गड ते रसाळगड मोहिम दिनांक 12 रोजी संपन्न झाली त्यानंतर आता संभाजी भिडे यांच्या समर्थकांकडुन हा फोटो मोठ्या प्रमाणात व्हायरल करण्यात येत आहे.
Read more

गडकोट मोहिम प्रचारासाठी भिडे गुरुजींच्या बैठकांचा धडाका

Image
शिवप्रतिष्ठान ची यंदाची गडकोट मोहीम किल्ले राजगड ते किल्ले रायगड अशी होणार असुन कालच संघटनेने प्रसिद्धी पत्रकाद्वारे याची माहिती दिली. गडकोट मोहिमेचा मार्ग काल निश्चित झालेला असला तरी शिवप्रतिष्ठान चे संस्थापक संभाजीराव भिडे गुरुजी यांनी दसऱ्यापासुनच मोहिमेचा प्रचार सुरु केलेला आहे. दररोज 2 ते 3 गावात ते बैठका घेत असुन तरुणांनी जास्तीत जास्त संख्येने गडकोट मोहिमेत सहभागी व्हावे असे आव्हान त्यांनी केलेल आहे. सांगली मिरज आष्टा ई.पुर शिराळा कराड सातारा वाई कवठेमहांकाळ इचलकरंजी यासह अनेक गावात गडकोट मोहिमेचा प्रचार संघटनेच्या कार्यकर्त्यांकडुन मोठ्या प्रमाणावर सुरु आहे.
Read more